மீண்டும் இணையும் மாஸ்டர் கூட்டணி?

 லோகேஷ் கனகராஜ் இயக்கத்தில் விஜய் நடித்துள்ள படம் மாஸ்டர். கடந்த சில தினங்களுக்கு முன் ரிலீசான இப்படம் நல்ல வரவேற்பை பெற்று வருகிறது. இதையடுத்து விஜய் நடிக்க உள்ள ‘தளபதி 65’ படத்தை நெல்சன் இயக்க உள்ளார். அனிருத் இசையமைக்க உள்ள இப்படத்தின் படப்பிடிப்பு விரைவில் தொடங்க உள்ளது. இப்படத்தை இந்தாண்டு தீபாவளி பண்டிகையை ஒட்டி ரிலீஸ் செய்ய உள்ளனர்.

இந்நிலையில், விஜய்யின் 66-வது படத்தை மாஸ்டர் பட இயக்குனர் லோகேஷ் கனகராஜ் இயக்க உள்ளதாக கூறப்படுகிறது. மேலும் இப்படத்தை மாஸ்டர் படத்தின் இணை தயாரிப்பாளர் லலீத் தயாரிக்க உள்ளதாக தகவல் வெளியாகி உள்ளது. லோகேஷ் கனகராஜ் உடன் நடிகர் விஜய் மீண்டும் கூட்டணி அமைக்க இருப்பது அவரது ரசிகர்களிடம் மகிழ்ச்சியை ஏற்படுத்தியுள்ளது.